نبدا بسم الله ونجيب الخضروات نغسلها ونقطعها الى دوائر ثم نجيب مقلاة نحط فيها م ك زيت ونحط فيها كمية من لحم مفروم ونحطها عالنار

ثم نبرش 2حبات جزر ونرحي حبة الطماطم ثم نحط مقلاة اخرى فيها زيت ونقلي البطاطا ثم الجريوات

بعد ماقليت اللحم و البصل مليح نحط الجزر وسنات ثوم مرحيين وحبة الطماطم وم ك طماطم مصبرة ونقلي مليح ونحط ملح وفلفل اسود وزنجبيل وعكري حلو ثم نضيف كمية من الجلبانة يفضل نفورها ا قبل

نمرق بالماء ونخلي الحشو يطيب مليح حتى ينشف ونطفي النار عليه ثم نرجع نجيب مول يدخل الفرن ندهنو بالزبدة ونجيب صحن نحط فيه 2بيض وجبن طري وكاس كريمة سائلة ونخلط بالبرا ميكسار مليح ثم نضيف عليه موتزاريلا ورشة عكري حلو ورشة فلفل اسود نحط فالاول كمية من البطاطا ثم كمية من الحشو ثم كمية من خليط البيض والكريمة السائلة

ثم نحط طبقة من الجريوات ثم الحشو ثم الكريمة و البطاطا وهكذا حتى نكمل كامل البطاطا والطبقة الاخيرة نفرغ بقية الكريمة

نحط كمية جبن مبشور من فوق ونشعل الفرن يسخن مليح على اغلى درجة ونحط الطبق فالفرن يطيب حوالي 20د ثم نشعل عليه من فوق يتحمر مليح ونخرجو

فالاخير نقدم الڨرانان تاعي جاء بزاف بنين ونقطعو ونحطو في صحن التقديم