وصفات فطور صباح متنوعة على الستايل الأوروبي
اليوم جبتلكم وصفات فطور صباحي متنوعة وفخمة، بتليق بالأيام الحلوة و المبهجة😋😍
وصفات فطور صباح متنوعة على الستايل الأوروبي
اليوم جبتلكم وصفات فطور صباحي متنوعة وفخمة، بتليق بالأيام الحلوة و المبهجة😋😍
إفتح في تطبيق كوكبادالخطوات
- 1
1/: لتحضير البان كيك: بنخلط كل المكونات مع بعضهم بالخلاط الكهربائي أو بالمضرب اليدوي لحتى يصير عنا خليط كتير ناعم
- 2
بنسخن مقلاية عالنار ماتلصق، و بندهنها بشوية زبدة
- 3
بنسكب مقدار معلقة صغيرة من الخليط، و لما بتبلش طالع فقاعات بنقلبها عالوجه الثاني
- 4
بنقدمها مع عسل، أو شكولاتة نوتيلا، أو فواكه
- 5
2/: لتحضير أومليت الأجبان: بنخفق البيض مع الحليب و الملح و الفلفل الأسود
- 6
بنسيح الزبدة بلمقلاية، و بنسكب عليها البيض
- 7
لما يستوي البيض من تحت، بنرش عليها الأجبان، و بنطوي الأومليت تبعنا على شكل نص قمر
- 8
بنتركها لحتى تذوب الأجبان شوي و بنقدمها مع خبز عادي محمص أو خبز توست محمص
- 9
3/: لتحضير الكرواسون: بنقطع العجينة الجاهزة على شكل مثلثات، و بنحشيها بالجبنة أو بالشكولاتة، حسب ما أنتم بدكم حلوين أو مالحين
- 10
بنلفهم على شكل هلال و بنصفهم بصينية الفرن
- 11
بندهن الوجه بصفار بيض و بنطهيها 15–20 دقيقة على درجة حرارة 180°
- 12
4/: لتحضير خبز التوست بالنوتيلا و الموز: بندهن خبز التوست بالنوتيلا، و بنصف عليه شرائح الموز
- 13
بنرش عليه رشة قرفة خفيفة عالوجه و هيك بيكون جاهز
- 14
و ممكن أنكم تحمصو خبز التوست شوي إذا بدكم قوامه يكون مقرمش
- 15
5/: لتحضير مشروب الاتيه: بنسخن الحليب و بنخلطو لحتى تصير عليه رغوة(بالمضرب اليدوي أو بالخلاط الكهربائي)
- 16
بنسكب القهوة الجاهزة بالكاسة، و بنضيف فوقها الحليب
- 17
و بعدين بنزين الكاسة برغوة الحليب و رشة قرفة إذا بدكم
- 18
ملاحظات بتفيدكم: هالوصفات بتناسب فطور المدرسة أو بيوم العطلة
- 19
فيكم كمان أنو تعملو صحن فواكه جانبي، أو كوب زبادي طبيعي أو يوناني مع عسل للمسة صحية
- 20
كل وصفة فيكم أنو تحضروها بوقت قصير، و بتقدموها بطريقة كتير مرتبة بتفتح النفس
- 21
جربو هالوصفات لفطور الصباح عالستايل الغربي و شاركوني بالكومنتات و قلولي كمان إذا بدكم أعطيكم وصفة الوافل، أو الخبز الفرنسي، أو عصير فريش و لاتنسوا أنكم تحطو لايك إذا عجبتكم الوصفات المتنوعة و حبيتوها❤️🫶
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات