كيكة الشوكولا الغنية(rich chocolate cake)
هاذي الوصفة من أطيب و أفخم أنواع الكيك، و بتطلع طرية من جوا، و كتير شوكولاتية، و مثالية لكل المناسبات أو حتى بس لدللو حالكم
كيكة الشوكولا الغنية(rich chocolate cake)
هاذي الوصفة من أطيب و أفخم أنواع الكيك، و بتطلع طرية من جوا، و كتير شوكولاتية، و مثالية لكل المناسبات أو حتى بس لدللو حالكم
إفتح في تطبيق كوكبادالخطوات
- 1
أول شي بنسخن الفرن على درجة حرارة 180 درجة مئوية، و بنحضر قالب كيك بمقاس 20 سم، بندهنو بالزبدة أو بالزيت و بنحط عليه ورق الزبدة
- 2
بوعاء، بننخل لطحين مع الكاكاو، و البكينغ باودر، و البكينغ صودا، و رشة الملح، و بنتركهم عجنب
- 3
بوعاء ثاني كبير، بنخفق البيض مع السكر الأبيض، و السكر البني، و الفانيليا، لحتى يصير الخليط ناعم و هش شوي
- 4
بنضيف الزيت و نخفق شوي، و بعدين بنضيف عليهم كمان الحليب و بنخلطهم مع بعض كتير منيح
- 5
و هلأ بنضيف المكونات الجافة يلي نخلناهم كلهم مع بعضهم شوي شوي فوق المزيج السائل، و بنخلطهم بكل هدوء لحتى يتجانسوا كلياتهم كتير منيح
- 6
و بعدين بلأخير، بنضيف نص كوب القهوة الساخنة و بنخلطهم كتير منيح، الخليط رح يكون شوي سائل، و هيك لازم أنو يكون
- 7
و بعدين بنسكب الخليط بقالب الكيك، و بنطبخوا بالفرن من مدة 35 ل 40 دقيقة، أو لحتى يطلع السيخ نضيف لما نجرب نغرسوا جوا الكيك بالنص
- 8
و بعدين بس نطالع الكيكة من الفرن بنتركها لحتى تبرد جوا القالب لمدة 10 دقايق، و بعدين بنقلبها عشبكة أو صحن لحتى تبرد تماما
- 9
لتحضير غاناش الشوكولا مشان التغلييف: بنسخن الكريمة السائلة عالنار هادية أو بالمايكرويف لحتى تغلي غلية خفيفة
- 10
و بعدين بنسكبها فوق قطع الشوكولا الداكنة، و بنتركها لمدة دقيقة وحدة، و بعدين بنخلطهم لحتى يصير عنا صوص غاناش ناعم و لامع
- 11
و بعدين بس تبرد الكيكة علأخير تماما، بنسكب غاناش الشوكولا فوقها، و بنفردو عليها بالتساوي و بشكل كتير حلو
- 12
فيكم كمان أنو تزينوها بشرايح شوكولا، أو قطع مكسرات مجروشة شوي، أو فواكه حسب ذوقكم و شو بتحبوا
- 13
ملاحظات و نصائح كتير بتفيدكم: القهوة مو لحتى تعطي طعمة القهوة، لأ هي بس بتعزز نكهة الشوكولا أكثر، فلا تستغنوا عنها
- 14
و إذا بدكم أنو لكيكة تجيكم أخف من هيك، فيكم أنو تستبدلوا نص كمية الزيت بلبن زبادي
- 15
هاذي الكيكة بتضل طرية كتير لعدة أيام أخرى إذا حطيتوها بعلبة محكمة الغلق كتير منيح
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات