شريحتين من لحم الستيك قطعتهم شرائح صغيرة.. نزلت بيهم ف مكعب زبدة و حطيت عليهم ملح و فلفل اسود و 7 بهارات و رشة جوزة الطيب او ما بدا يستوي نزلت بشوية بصل و فلفل رومي شرائح و خليتهم لحد ما دبلوا براحتهم..

سلقت المكرونة و عملت البشاميل.. دهنت الصينية بحتة زبدة و حطيت طبقة من المكرونة و بعدين اللحمة و طبقة مكرونة و حطيت البشاميل و دخلتها الفرن لحد ما اتحمرت

هنا بقى البشاميل عملته ع البارد.. اللبن حطيت عليه الدقيق و الملح و البهارات ورشة قرفة و رشة جوزة الطيب و كمان مرقة الدجاج و قلبت كله ع البارد و بعدين ضفت شوية من مية المكرونة و رفعتهم ع النار لحد ما تقل معايا واخد القوام التمام 👌🏻 انا هنا طبعا طلعت البشاميل وهو سخن لاني بحب اكل البشاميل سخن ما بحبه يكون بارد

و بالهنا و الشفا 🫶🏻