💖طريقة الكفتة: انقع البرغل نصف ساعة بعدين اعصره كويس قوي من الميه واحطه في الكبة واضيف تفل البصل المبشور والتوابل وربع كمية اللحمة وافرمهم كويس قوووووي مع بعض لحد ما تبقى ناعمة جدا

وبعدين اضيفهم في طبق على كمية اللحمة المتبقية واخلطهم بأيدي مع بعض

وولع فحمة واحطها في الومنيوم وادخن بها عجينة الكفتة واغطي كويس ، وادخل عجينة الكفتة التلاجة ساعة أو أكثر عشان تشد والجلوتين بتاعها يتماسك.

اخرجها اشكلها اصابع مجوفه وممكن اشويها على شواية الفحم بعد ما يكون ناره هديت ،

اوادخلها فرن حاااامي ، مجرد ما تتشمع اقلبها على جنبها التاني ، بعد ما تحمر بحط عليها مرة تاني فحمة مولعة واطفيها وغطيها كويس ، وكلي بقى احلى كفتة حاتي ، بتبقى روعة

نتركها في التتبيلة طول الليل ، او عالاقل ٦ ساعات ، ونخرجها قبل الشوي تفقد برودتها شوية

مننساش نشوي بصل وفلفل وطماطم ونتبلهم الاول بشوية زيت وتوابل.

🔼فرم جزء من اللحمة مع البرغل كويس قوي بيعمل مادة رابطة

🔼 فرم جزء خشن وجزء ناعم من اللحمة بيخليها لها قوام ومش مكتومة

🔼 اللحم الضاني بيعطي طعم غني

🔼 نسبة الدهون اللي في الضاني بتعطي طراوة

🔼 اللحمة أما بتستريح وتسقع في التلاجة بتساعد انها متكشش ومتفكش

🔼 الفحمة واللحمة نيئة بتتوغل في الكفتة جدا ، وبعد التسوية بتخليها تجنن

💖 ثالثا الريش والكباب.

مية البصل اللي طلعت من تتبيلة الكفتة نأخدها ونحط عليها ٣ ، ٤ معالق كبار خل بلاش ليمون بيخلي اللحمة تشد ، ونتبل ملح فلفل قرفة عصير طمطماية ملعقة مستردة.

متستعجليش في وضع المشويات عالفحم وهو لسه حامي متتخيليش أن كدة هيسوي الحاجة كويس ، بالعكس كدة هيحرق اللحمة قبل ما تستوي من جوة.

اشوي الخضار الأول عشان تتأكدي أن تكون النار هديت شويه.

بعدين اشوي الكفتة والطرب ، وملاحظة مجرد ما الكفتة تتشمع وتتماسك بدون ما تحمر ، اقلبيها عالناحية التانية تتشمع ، وده عشان متفكش منك ، بس خلاص متقلبيش تاني غير ما تبدأ تحمر وكل شوية ادهنيها بسائل التطرية.

حاجة مهمة ، المشويات اللي اتشوت حطيها في حلة محكمة بالغطاء لحد ما تخلصي كل كمية الشوي ، ده بيساعد إن الحاجة تفضل طرية وتكمل سواها تماما عالبخار.

اوقات في الآخر بحط الحلة كلها عالفحم الهادي ، عقبال ما اجهز السفرة

💖💝 ملحوظة

🔼منحطش ليمون في تتبيلة الريش والكباب عشان بيخليها تشد ومتستويش بسرعة
🔼البرغل في الكفتة بيخليها مش مكتومة

🌹بالنسبة الشوي

نعمل سائل لتتطرية المشويات عبارة عن (مية بصل وخل وزيت ومعلقة صغيرة صلصة ونقلب كويس قوي)

آخر حاجة شوي اللحمة ودة بتكون النار هديت وبتتشوي على مهل قوي عشان تأكلي لحمة مستوية مش محروقة ، وبرضه متنساش أنها مجرد انها تتشمع شوية نقلبها ، وبرضه ندعمها كل شوية.

واخيرا يا سلام على كوبيتين شاي على نار الجمر ، شاي عالهادي ، عقبال ما نأكل يكون على عالفحم 💖 وبالهنا والشفا 😍