بسم الله أختي الفاضلة تجيبي الخليع تاعك تنقعيه فالماء مدة قبل ما تجي تطبخي باش تنقص نسبة الملوحه لي فيه (ولي حبة تشوف طريقة تجفيف اللحم تدخل قناتي تلقى الطريقة بالتفصيل)

وبعد ذالك تضيفي الكليله والفول والبطاطا وجريوات بعد ماتكوني قشرتيهم وغسلتيهم مليح بعد ذالك تضيفي الثوم والماء تمرقي مليح وتقفلي الكوكوطه لغاية ما يطيب، اي يستوي الخليع وتطفي النار

من جهة تحطي كمية من البربوشه على حساب أفراد العائله وتضيفيلها القليل من الزيت وتبخيها بالماء الدافئ حتى تشرب مليح وتصبح ناشفه تحطيها تفور المرة الاولى. وبعد ماتفور تضيفيلها الملح وتعاودي تبخيها وترديها مرة ثانيه تكمل التفوار بعد ما تنحيها تضيفيلها الزبدة وتكوني كملتي معاها

فالأخير تحطي البربوشه في طبق التقديم

تحطي عليها المرقه وتشبحيها بالخضر والقديد "وشهيه طيبه"

لي عجبتها الوصفه نقوللها من فضلك خليلي إعجاب وشكرا