الكيكة:نأخذ البيض+السكر ونخلط باروبو حتى يضاعف ويصبح ابيض،نمسك المكونات الجافة ونخلطهم مع بعض ونبدا نضيف بالشويا ونخلط غير بلعقل حتى يتجانس نمسك المول ندهنو بزبدا ونرشو بالفرينة ونفرغ الخليط وندخلوه للفرن مسخن على درجة 170د ومدة الطهي من 45الى 75دقيقة كي طيب ننزعها ونخليها تبرد.

الكريمة:ناخذ البيض نديرو في الخلاط +مغرف سكر ونخليه يدور حتى يبياض شويا ثم نأخذ السكر +الماء ونديره فوق النار يغلي حتى نشوفو بدا يدير الفقاعات ومبعد نبدا نضيف فيه الى خليط البيض غير بشوية ولباتور يدور حتى يبرد يولي دافي برك نبدا نزيد الزبدة من الاحسن استعملو فلوريال تاع علبة البلاستيك ونحط بالكمية ونخلط حتى تصبح كريمة في هذي اللحظة ضيفو المنكه لي حبيتوكاكاو شكولاطة ،نيسكلفي.... نمسك الكيكة نقسمها كيما حبينا على 2او3ونسقيها بالسيرو خفيف وندير الكريمة في الوسط ونضع الطبقات وزينو كيما تحبو.

ملاحظة:الكريمة لي تشوفوها في المحلات بيضة هذاك راجع للمارغارين لي يستعملوها هوما يديرو تاع الميزان وسمها"أوبلين"جي بيضاء وبنينة ومافيها حتى ذوق.