في كسرونة نحط الزبدة بعد ما نذوبها و نضيف السكر و العسل و نحطها فوق النار مع تحريك المستمر حتى نحس للسكر ذاب تماما

و بعد ما يغلي الخليط نطفي عليه و نخليه على جنب يبرد (ماشي شرط يبرد تماماا المهم ما يكونش سخوون بزااف) ثم نضيفلو البيض و نخلط ثم ثم باه ما يطيبش البيض

و نضيف البيكاربونات (ضروووري فهاذ الوصفة و ما يمكنش نغيروه بالخميرة) ثم نضيف الفرينة (طحين) بالتدريج

حتى نتحصل على عجينة متماسكة ولكن تتلاصق قليلا في اليد ، نحط القليل من الزيت في اليد ونقسم العجينة الى 3 كور ونجيب صينية مفرشة ورق زبدة ومدهون بالزيت نحل فوقو العجينة طبقة رقييقة

ثم نثقبها كاملة بواسطة الشوكة وندخلها لفرن مسخن على 180° حتى نشوفو تنفخ قليلا و تغير اللون تاعو نخرجو فالاول يكون طري يبانلك مازال ما طابش و لكن كي يبرد راح ييبس تماما نكمل كامل الطبقات بنفس الطريقة

ثم بعد ما يبرد تماما و ييبس نحط الطبقات فوق بعض ونقص الحواف ونرحيهم

ثم نلصق الطبقات بالمربى والطبقة الاخيرة بعد ما ندهنها بالمربى نرش عليها الحواف لرحيتهم ونغطيها ونخليها تبات ليلة كاملة باه نقصها (لانو بعد ما تبرد رايحة تيبس خلاص و لهذا نخليها تبات ليلة باه تطرى) ثم نقسمها ونختفظ بيها في علبة بلاستيكية محكمة الغلق والا راح تعاود تيبس 😍😍