في إناء نضع كيلة تاع القاطو مع كيلة تاع الكاوكاو (ممكن تضيفي اي نوع مكسرات عندك) وجنجلان وحلوة الترك والزبدة، نخلطو المكونات مع بعض حتى مين الزبدة تتجانس مع المكونات نضيفو لعسل او المعجون حتى نتحصلو على عجينه طريه مين تلميها فيدك تتلم

في مول السيليكون نجيبيو لعجينة ونبداو نعمرو ونعدلوهم مليح في المول باه يخرجو ملاح مين نكملو نحطوهم فالكونجيلاترو يبرد ربع ساعة

نذوب الشوكولاتة في حمام مريم (والطريقة هي وضع إناء او قدر به ماء، وفي إناء آخر أصغر منه توضع الشوكولاتة، ثم يوضع الإناء الاصغر داخل الإناء الأكبر، ثم يوضع كلاهما على النار)

مين تذوب الشوكولاتة نجيبو مول السيليكون (نفس النوع لي حطينا فيه لعجينه) ونبدا ندهن الشوكولاتة بفرشاة داخل هداك المول (اذا شفتي الشوكولاتة شفافة زيدي كوش تاني)ونجيبو حبة القاطو لي حطيناها بردت ونحطوها فوسط الشوكولاتة لي في المول ونضغطو شوية باه تلصق فهديك الشوكولاتة، نكمل الحبات لي بقاو بنفس الطريقة ندخلوهم في الثلاجة ربع ساعة ومن بعد نحوهم من المول بالشوية باه مايتكسروش

التزيين اختياري والشكل ايضا مش شرط تتقيدي بهذا
واعتذرماصورتش الخطوات عندي غير مين وجد