مكموره

بنظف الدجاج وبنسلقه

بننخل الطحين وبنملحه وبنبدا باضافة الماء بالتدريج الماء لازم تكون دافيه بنعجن حتى نحصل على عجينه ملساء طريه

بنقطع العجين وبتركها ترتاح شوي وبنبدا بتجهيز الحشوه

بنقسم البصل مربعات وسط وبنطبخة بزيت الزيتون مع اضافه الملح والفلفل

بنقل الدجاج (حسب الرغبة) وبس يتذبل البصل بنحط الدجاج فوقه مع شوي من ماء الدجاج حتى يطبخو السوى

بنجيب الصينيه او الصدر الى بدنا نفرد فيه العجين بنحط شويه زيت وبنفرد الطبقه الاولى من العجين وبنحط فوقها شويه بصل (طبعاً بنستى البصل ت يبرد وهو ساخن بذوب العجين) وبنفرد الطبقه الثانيه وبنحط فوقها دجاج وبصل

وهيك ت نكمل اخر طبقه ما بنحط فوقها اشي

بنشغل الفرن حتى يحمى وبنغطي وجه العجين بورق زبده او ورقه مغطسه بالزيت حتى ما تنشف وهي بالفرن لمدة ٤٥دقيقه او على النظر حسب حرارة الفرن بس يستوي العجين بنحمر الوجه شوي