الخطوات
- 1
هنتبل اللحمة الاول من قبلها بيوم عشان تبقي طرية و تشرب التتبيلة و تستوي بسرعة ولو مفيش وقت تبليها ثلاث او اربع ساعات بس هتغيب شوية في السوا
- 2
تتبيلة اللحمة عبارة عن فلفل اسود وزنجبيل بودرة وقرفة بودرة وربع ملعقة صغيرة كركم وربع ملعقة صغيرة كاري ونص ملعقة صغيرة سكر مش هنحط ملح غير لما اللحمة تستوي
- 3
تاني خطوة هنعمل الكريب لانه لازم يبرد مينفعش يتحشي وهو سخن
- 4
هنخلط الدقيق واللبن والبيض ونقلبهم ونحط في صينية تيفال مدهونة نقطة زيت و ممسوحة كبشة صغيرة من الخليط لو حطيتي كتير هيطلع الكريب معجن ومش مستوي فكمية الخليط بتبقي على حسب حجم الطاسة
- 5
اول ما الكريب يحمر هنقلبه على الوجه التاني يحمر وهكذا لحد ما نخلص الكمية وكده الكريب بقي جاهز
- 6
هنشوح اللحمة في شوية زيت لحد ما تستوي
- 7
هنشوح الخضار في شوية زيت لحد ما يذبل وهنحطه على اللحمة بعد ما استوت ونديهم تقلبتين في بعض على النار ونطفي ونحط ملح
- 8
هنحشي الكريب ونلفه وكاتشاباتك ومايونيزاتك واوعي بقي يا وديع 😂🤤
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (3)