نضع في إناء العجن.خميرة الخبز والسكر ومغرف حليب البودرة ونخلطهم

نضيف الماء الدافئ ونخلط جيداً حتى تذوب الخميرة والحليب

نفصل ابيض البيض على الصفار ونضع الصفار على جانب.ونضيف الابيض في زوج للخليط تاع الخميرة ونخلط مليح مع مغرف الخل الابيض ونزيد الزيت

نزيد الزيت مع استمرار الخلط ونخليهم يريحو شويا قدر 5 دقائق فقط

بعد نضيف الفرينة (طحين) بالكاس ونخلط ونزيد الثاني ونضيف عليه خميرة الحلويات ونزيد الثالث ونضيف ليه الملح هو الاخر ونزيد الكاس الرابع ونخلط جيداً بواسطة ملعقة خشبية نخلط ونضرب عبارة على تعجني بيدك في الاخر ضيفي ملعقة الزبدة تكون بحرارة المطبخ ودخليها مليح في العجينة

ملاحظة : هنا كي تبدي اول ماتضيفي الفرينة (طحين). شعلي على الفرن تاعك على درجة 180 وكملي خلطي

نغطيها ونخليها ترتاح مدة 10 دقيقة

نجيب بلاطو لي راح نطيب فيه.ندهنوه بالزبدة ونرش بالفرينة ونخبطو حتى يتغطى كامل بالفرينة مادريش بيدك ونحول نتخلص من الفرينة (طحين) الزائدة

ونفرغ العجينة في السنية وبواسطة زيت حاولي تدهني يدك با ه تساعدك العجينة كي تكوني تحلي فيها ما تلصقش في يدك حتى تضربيها كامل

وخلطي ودهني الخبزة تاعك ورشيها بالسانوج وجلجلان المهم اختياري وحطيها في الفرن وطفي من فوق خلي غير لتحت.كي تشوفيها بداة تطلق في هديك الحمراوة ولي شعلي من فوق حتى تعطيك اللون الذهبي صدقوني تجي روعة والبصحة والهناء

وجيبي هداك الصفار لي فصلناه على البيض وزيديلو مغرف خل ابيض هنا هنا مايخليش هديك القشرة تجي خشينة تجي روعة.وزيديلو قطرة قهوة وقرصة ملح