الكشري 💪👌
بتاكاته وحركاته وكل حاجه والله أستاذة انا في عمايلو 💪👍جربوه بطريقتي وتحدى من احلى واجمل الاكلات #المرور_الاول
#حملة_التشجير🌳🌿🌴
الكشري 💪👌
بتاكاته وحركاته وكل حاجه والله أستاذة انا في عمايلو 💪👍جربوه بطريقتي وتحدى من احلى واجمل الاكلات #المرور_الاول
#حملة_التشجير🌳🌿🌴
الخطوات
- 1
اول حاجه في عمايل الكشري البصل عشان زيت اللي هنقليه فيه البصل نستخدمه في كل مكونات الكشري تمام كدا 👍👌
- 2
نبدأ بقى عشان البصل يطلع زي بتاع المحلات في تكه أننا نرش عليه ملح بسيط ومعلقتين كبار خل نقليه في زيت ساخن ولم يتحمر بنطلعه على منديل مطبخ مش هيشرب زيت الخل بيمنع أن البصل يشرب زيت كدا خلصنا البصل نخش على العيش نقطعه مكعبات ونقليه بعد البصل ونطلعه على منديل ونرش عليه ملح بسيط وكمون
- 3
بعد كدا نضرب الطماطم ونصفبها ونحضر حله ونحط الطماطم تغلى لمده خمس دقائق اضيف ملعقة ثوم مفروم ومعلقتين خل ومعلقه صغيرة سكر لغايه لما تتسبك في تكه نأخذ ملعقة زيت من تحمير البصل نضيفها للصلصله
- 4
المعكرونه انا بحب نوعين وولادى كمان نسقلها بالطريقه المعتادة ولما تستوي نصفيها ونضيف ليها معلقتين كبار من زيت البصل عشان تتطعم منه وتكون مفلفله كدا وتمام 👍💪👌
- 5
الرز بقى نحضر حله وفيها معلقتين كبار من زيت البصل ونضيف بصله صغيرة مفرومه اول لما تدلل انزل بنص كوب شعيرية تتحمر مع البصله وبعد كدا اضيف نص كوب عدس مسلوق وكوبين ماء ياخده غلوة انزل بكوب ونص رز وحط ملح وكمون وكزبرة ناعمه وتقلب يغلى واخفف النار بياخد ثلث ساعة ويكون تمام كدا 👌👋
- 6
نسلق العدس ولما يستوي نصفيه وهرش عليه ملح وكمون
- 7
الحمص ننقعه ساعة في ماء ساخنه وبعد كدا نغير الماء ونحط ماء جديدة وعلى النار يغلى نطفى وبعد نص ساعة نشغل النار ثاني عقبال ما تخلصى الحاجه يكون استوى
- 8
اغرفى بقى احلى طبق كشري مصري بكل حركاته يارب العالمين يعجبكم والف هنا على قلوبكم 💝
- 9
كذا تكه كدا ١_معلقه السكر في الصلصة عشان مش تعمل حموضه ويكون خفيف عالمعدة ٢_الخل على البصل عشان يطلع مقرمش وجميل كدا ويقعد لتانى يوم زي الفل ٣_زيت قليه البصل بيستخدم في المعكرونه والصلصة والرز عشان يطعمه من طعم البصل ويبقى كل مكوناته من بعض
- 10
الدقه /فصين ثوم مع قرن فلفل حار وعلى الخلاط مع ملعقة عصير الليمون ومعلقه الخل يضربه كويس ياخده غلوه على النار وتحطى ملح وكمون وكزبرة بيتكون روعه
- 11
الشطه معلقتين كبار من صلصة الكشري على ملعقة شطه حارة ونقلب مع ملعقة خل وكدا تكون الشطه جاهزة
وصفات مشابهة
-
الكشري الكشري
لا أعلم أصل لوصفة الكشري ، ولكني أعرف أنه من أشهى الأطباق التي نحبها كمصريين ، كما أنني أحب الكشري الساحلي الذي هو عبارة عن أرز مطهي ومخلوط مع عدس أصفر ، وأحب المجدرة الشامية والتي تشبه الكشري الساحلي ولكن بدلا من العدس الأصفر يستخدمون العدس البنيعموما يبقى في الصدارة بالنسبة لي طبق الكشري المصري الذي يعد من أشهى الأطباقونظرا لأن الأخت habsia تحبه فسأكتب طريقة الكشري وأتمنى أن تنال إعجابها وإعجابكم جميعا 👍👍
وصفات ننصحك بمشاهدتها
التعليقات (7)