هنا انا حطيت 3كيسان تاع فرينة (طحين او دقيق) انا كيلة بلكاس هذا كيما اي مثل واضح في صورة ونزيد نحط كامل من يايورط ناتوغال بيضة يكون درجة حرارة الغرفة ملح سكر خميرة خبز ولم ب نص كأس حليب دافئ نفس الكأس لي كيلنا بيه فرينة (طحين او دقيق) ما تتقيدوش بيا انا ديرو بلكاس لي عندكم

نزل عجينة تاعي في طاولة العمل ونلمها بيدي مليح مبعد نحط شوية زيت زيتون في غسيبيون تاعي ونحطفيه لعجينة ونزيد نقلبها به تتقاس كامل بزيت زيتون كيما اي مثل رآه واضح في صورة ونخليها تختمر من 30د الى 45د ادا كان حال بارد بزاف

دوركا نروحو نوجدو الحشوة مدام لعجينة تعنا تختمر كيما اي مثل قلنا نحتاج لحم مفروم ملح فلفل اسود بصل ثوم ندبل بصل وثوم شرائح به ما يتحرقش ومعاهم قرن فلفل حار انا هذا لي عندي مش حار الحشوة كيما اي مثل قلت تبقى اختيارية

هنا بعد ما اختمرت العجينة نحكم نخرج منها الهواء ومبعد نديرها بشكل طولي ونقسها الى أقسام انا جاتني 6 قسمات نروح نحلها بالحلال انا هنا نحشيها بالحشوة لي وجدنها و فرماج (جبنة) لي عندك في دار ديريه انا هنا عندي فرماج (جبنة) اوكيدس

نحلها كيما اي مثل راهي واضحة في صورة ونحشيه بالحشوة ونزيد فوقها فرماج (جبنة) كي تحلوها بالحلال استعين بشوية تع فرينة (طحين او دقيق)

كي نوجدهم كامل ندير بيضة ونص مغرفة نيسكافي وندهنهوم قبل ما يخمرو ونزيد نخليلهوم يضاعف حجم تحم ونزينهوم بسنوج او سمسم كيما اي مثل راهو واضح في صورة كي يزيدو يخمرو ندخلهم لفرن 180 درجة لمدة 20د او 15د كل واحدة وفرن تعها نشعلو عليهوم من فوق ومن تحت

وهنا بعض ما طابو سدقوني بنات يهبل جربوه م ما تندموش يجي هشيش وبنين رائع 😋 ياسلام هنا ننقوللكم اذا عجبوكم وصفات ما تنساوش ديرولي متابعة شكرا لكم حباباتي 😘😘😘

مام حباباتي اذا حبيتو ديروه حلو وتحشيوه بشوكولاتة لولادكم تأني يجي يهبل جربتو قدام من مرة طوووب