تارت الكراميل والقناش

نحضر العجينة نخلط الزبدة مع السكر حتى نتحصل على كريمة نضيف البيض والمايزينة والكاكاو وقرصة ملح ونخلطهم مليح نضيف الفرينة تدريجيا ونزيد رشة خمارة حتى نتحصل على عجينة طرية

نترك العجينة فالثلاجة ترتاح بعدما ترتاح نبسطها في مول الشكل اللي تختارية وتقدري ديريه في قوالب فردية

ندخلها للمجمد تبرد مليج في هاذي الاثناء نكون شعلت الفرن تاعي دوك كل واحدة والفرن تاعها وكيفاه تستعملو ندخلها طيب كي طيب نجبدها ونخليها تبرد بعدما تبرد نفرش غليها البنان يكون مقطع دوائر

تحضير صلصة الكراميل في كسرونة ثقيلة نحط زوج كيسان سكر كي يتكرملو نضيف عليهم مغرف كبيرة زبدة ونطفي ونزيد عليها كرام ديسار ونحرك مليح ايلا بقاو حبيبات نرجعها على نار قليلة حتى تذوب ومرة على مرة نحرك بعدما توجد الكراميل تاعي نفرغها على لاتارت اللي نكون فرشت عليها البنان وندخلها للثلاجة تبرد وتحكم روحها في ذاك الوقت نوجد القناش تاعي نسخن الكريمة السائلة حتى توصل لدرجة الغليان نطفي عليها ونفرغها على الشيكولا تاعي اللي تكون مقطعة ونحركها مليح مليح حتى تذوب كامل نجبد لاتارت تاعي من الثلاجة ونفرغ عليها