الخطوات
- 1
اول خطوه نقوم بتذويب رشه ملح في القليل من ماء الزهر
- 2
وفي إناء نضع الفرينه والسمن وملعقه حليب بودرة وملعقه خل والبيضه والفاني ونمحرهم مليح بعدها نضيف الملح المُذاب ونكمل نجمع بالماء الزهر المتبقي حتى نتحصل على عجينه طريه لكن متماسكه نعجنها قليلا حتى ترطاب فقط ونشكلها الى 12 كريه ونتركا جانبا لترتاح
- 3
بعد ما ترتاح العجينه. نرش في مكان العمل القليل من النشاء ونحل الكره الاولى ونضعها جانيا ونرش فوقها القليل من النشاء ونكمل هكذا مع كل الكريات لكن كل 6 كرات فوق بعض. اي نتحصل على طبقتين
- 4
ونمر للحشو نضع 3 كيلات كلوكاو اي اي نوع من المكسرات مع نصف كيله سكر وملعقه المرغرين والقليل من ماء الزهر و نفتل بالاصابع فقط
- 5
بعدها نفتح الطبقه الاولى من العجين رقيقه.ثم ندهن البلاطو بالسمن ونرفد بواسطه الحلال اول ورقه ونضعها فوق البلاطو وندهنها بالسمن وهكذا مع الخمس ورقات المتبقيات لكن الورقه الاخيره لي رح نحط الحشو فوقها مندهنهاش
- 6
ونضع الحشو ونحاول نبسطو بطريقه متساويه ولكن منضغطش عليها بزااف
- 7
بعدها نكمل نفتح الست كرات المتبقيه بنفس الطريقه تاع السته الاولى ومننساش ندهن السمن بين كل ورقه وبعد مانكمل الورقه الاخيره نحاول نقص الزوائد وندخل الجوانب الفوقانيه بين البلاطو والجوانب التحتانيين ونفتح العجين لي كان بقالي اي لي نحيتو زايد ونشكل وردات ونحطهم في الوسط ونرشقهم بحبه كاوكاو (فول سوداني) بعدها ندهن الطبقه الفوقانيه مع هدوك الورود.ونقسمها الى مقروضات او مربعات الشكل اختياري ونتركها ترتاح حوالي نص ساعة الى ساعة وندخلها للفرن طيب من تحت اولا بعد مانشوف الجوانب احمرو نشعللها من قوق
- 8
كي طيب نحيها من الفرن وهي سخونه نفرغ عليها العسل ونخليها تتشرب العسل هنا يكون مساوي لكميه الكاوكاو او اي نوع مكسرات درتي. اذا درتي كيلو مكسرات ديري كيلو عسل
- 9
وفي الاخير هدي هي البقلاوه تاعي جات بنينه تهبل ونتمنى تجربوها وتنجحو فيها وبالصحه والهنا ياربي🌹🌹🌹🌹🌹💓💓💓
وصفات مشابهة
وصفات ننصحك بمشاهدتها
التعليقات (2)