اولا نحط الروز ينقع في الماء و بعدها في قدرة ندير السمن و نحطها فوق النار و بعد ما يذوب نزيد البصل و الثوم رابي نشوحهم مليح و نزيد الدجاج و نقليه مليح و نزيد التوابل و الرند و القرفة و قرنفل و نقليهم و بعدها نزيد الطماطم المصبرة و نقليها مليح و نمرق ب 2كاس ماء (قيس ما يطيب الدجاج) و نقفل عليه و نخليه 20 دقيقة تقريبا و نشوفو لازم يكون طايب على الاقل 90% و نصفي الأرز و نديرو فوق الدجاج و نزيد ال ماء ضعف الأرز انا درت كأس و نصف ارز 3 كيسان ماء و نقوي النار حتى يغلي و بعدها نقصلها و نخليه

بعد ما يطيب و ينشف من الماء نطفي عليه و نخليه يزيد يتشرب باه يجي كل حبة وحدها و نقدموه بالصحة و الهناء