بسم الله نضع في وعاء البيض السكر ونخلطهم بالخلاط ثم نضيف الزيت والياغووت نخلطو من بعد نضيفو الكاكاو والفرينة وقرصة ملح وخمارة الحلوى ونخلطوهم حتى يندامجو المكونات نفرغ الخليط في صينية فرن مربعة الشكل 30/30 حجمها وتكون مدهونة بالزبدة وندخلوها لفرن مسخن مسبقا نشعلولها لتحت كي طيب ملتحت نشعلولها ملفوق

ننتقل للكريمة: في وعاء نضع الكريمة الطازجة الجبن والسكر ونضربوهم بالخلاط الكهربائي كي تطلع نزيدولها جوز الهند نغطيها ونضعها جانبا من المستحسن نخليوها في الثلاجة

بعد ما طيب الكيكة نديموليوها ونقسموها على 2 فالمنتصف نتحصلو على مربعين نحط الاول نضع فيه الكريمة ونساووها بالكوبات ونزيدو نديرو النصف الاخر من الكيكة ندخلوها تبرد

من جهة اخرى نذوبو الشوكولاتة في حمام مائي

نجيبو الكيكة تاعنا من الثلاجة ونفرغو فوقها الشوكولاتة ونزينوها بالجوز

ندخلوها للثلاجة تبرد ونقدموها بالصحة والراحة

ملاحظة لستم مقيدين بالتزيين بالجوز التزيين اختياري

وعند تقطيع الكيكة من المستحسن استعمال خيط المطبخ تتقطع شابة ان شاء الله تعجبكم