بيتزا بطريقه سهله وناجحه ان شاء الله
الخطوات
- 1
اول حاجه نص كوب ماء دافيه عليها ملعقة خميره فوريه ونص ملعقة السكر وتولعي عين بتوجاز وتحطيها جنبها تتخمر هاتلاقيها بعد شويه بيتي فور سيبيها جنب النار لغايه ماتبتدي تفور تكوني عجنتي
- 2
ابتدي اعجني انخلي 3 كوبايات الدقيق وعليه اللبن البودرة لو حابه تضيفيه لو مش حابه عادي ولو حابه بردو تحطي علبه زبادي حطي البيتزا مفيده جداً للاطفال وبيحبوها وتقدري تضيفي فيها مكونات كتير مفيده
- 3
هاتحطي على الدقيق نص كوب الماء ونص كوب الزيت وتكون الخميره فارت تحطيها على العجين وتعجني لو لسه مش متماسكه تزودي ماء من نص الكوبايه اللي باقي لغايه ماتمسك وتكوريها تلاقيها طريه وحلوه ولو لقيتيها بتمسك في ايدك زودي دقيق كده العجين خلص بتغطيه كويس بورق استرتش وتسيبيه يخمر ساعة على الاقل
- 4
الحشو هاتغسلي الفراخ بطريقتك وتسخني زيت وتحطي الفراخ تستوي وتشرب مايتها وتحطي عليها فلفل اسود ملح توابل فراخ مكعب مرقه دجاج رشه توابل سبع حبات نص ملعقة بابريكا لما تشرب مايتها هاتحطي عليها شرايح البصل وتسيبيها تذبل معاها وياخدو طعم بعض وبعدين تضيفي الفلفل الالوان متقطع شرايح وتقلبي خمس دقائق وتزودي مرقه وملح تظبطي الطعم
- 5
هاتجيبي كيسين صلصة تحطي شويه زيت ونص كوب ماء تحطي الزيت على النار عليه كيسين الصلصة عليهم نص كوب الماء نص ملعقة زعتر نص ملعقة ثوم بودرة ونص ملعقة بصل بودرة وملح وفلفل اسود دقيقتين وتطفي
- 6
تفردي العجيت بالحجم اللي تحبيه تخلي سمكها واحد سم او اقل وتشكشكي العجين بالشوكه بعد الفرد وبعدين تدهنيها من الصلصة اللي عملتيها وعليها الحشو وعليه الزيتون وتكوني مسخنه الفرن من قبل ماتحطيها بربع ساعة دهليها الفرن ولما تستوي من تحت طلعيها حطي الموتزاريلا ودخليها الفرن تاتي تحت الشوايه وبالف هنا
- 7
ملحوظه هي مكلفه شويه بس اقل من تكلفه برا وانظف وطعمها حلو ومغذيه تقدري تعمليها باقل التكاليف. ممكن نفس طريقه العجين وبدل الحشو والموتزاريلا طماطم وفلفل وزيتون وجبنه رومي بتبقي تحفه بردو وبالف هنا ❤️❤️❤️
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
-
-
بيتزا في خمس دقائق سهله وسريعه بيتزا في خمس دقائق سهله وسريعه
#اطبخها_لاترميهاالوصفه اعاده للفينو البايت أو التوست
-
وصفات ننصحك بمشاهدتها
التعليقات (5)