نضع الطحين و الخميرة و الپکینگ پودر و السكر و الملح في وعاء و نخلطهم مع بعض و نضيف عليهم اللبن و نحركهم

هلأ منضيف ماء دافي و منعجن (رح نحتاج القليييل من الماء لانه فيها لبن)

قبل ما نكمل عجن منضيف الزيت و نعجن لتصير عجينة متماسكة و لينة

منريح العجينة شوي ع بين ما نجهز اغراض الشغل

منحمي مقلاية تيفال او اي شي عندك ممكن ينعمل فيه أهم شي ما يلصق

مناخد جزء من العجينة على حجم القرص اللي منحب نعملو و منمدا مع الاستعانة بالطحين.. (هلأ انا عملتو رقيق كثير لانه بحسو اطرا و اطيب و كمان لانه بينفش شوي بالمقلاية)

منحط العجينة الرقيقة اللي مديناها بالمقلاية و على نار قوية.. بس طلع فقاعات و انتفخ شوي منقلبو على الجهة التانية بس أخد لون منشيلو (لا تخلوه وقت طويل بالمقلاية لانه بييبس.. لا تخافو رح يستوي بسرعة خاصة انه رقييق ما بياخد وقت ابدا)

بس صار معنا الخبز منشيله منحطه بصحن منخليه مكشوف ليبرد شوي و بعدين منغطيه او منحطو بكيس

و هيك بهالطريقة منعمل كل العجينة👌

و ألف صحة و هنا على قلبكم🌹.. جربوه و شاركونا رح يعجبكم ان شاء الله😍