شباكية (القريوش)

نحضر وعاء نحط فيه الفرينة (طحين) ونبسسه بالسمن انتاعنا مليح نضيف رشة الملح ونلم العجين انتاعنا بالماء وتقدرو تديرو شويا ماء زهر مع الماء حتى نتحصل على عجين متماسك ورطب نخليه يرتاح شويا ونشكله كويرات انا خرج لي 11 كورية نغطيهم يرتاحو مليح وقد مارتاح لعجين يساعدنا

انا خليتها ترتاح ساعتين من بعد نجي على طاولة العمل نحل الكورية الاولى مستعينة بالدقيق ندهنها من الفوق بالزيت ونرشها بمايزينة ونحل الكورة الثانية ونحطها على ختها وندهنها بالزيت ونرشها بالمايزينة ونحل الثالثة ونحطها على الى درتهم ونخليها على جنب ونفس الطريقة نعمل مع الكوريات الباقيه حيت كل مجموعة فيها ثلاث كوريات

من بعد نأخد المجموعة الاولى وبالإستعانة بالفرينة نفتحها على سمك رقيق وبالجرارة انتاع الشباكية نقطع ونشكل مربعات كما في الصورة خطوة بخطوة والعجين الى نقطعوه من الاطراف نجمعوه ونعاودو نخدمو بيه

وهدا هو الشكل النهائي يبقالنا نقلوهم في الزيت حتى نتحصلو على لون ذهبي فقط لأنو لعسيلة تولي تحمرهم كي يتشربوها

كي نبقاو نقلوهم نحاولو نفرق بين هم ونغمسوهم في الزيت باش ينوضو انا ماعسلتهم نحتافظ بيهم هكذا في سطل بلامانحتاجو للثلاجة وكي يوصل الشهر الكريم نسخن كمية من العسل ونعسل على قد مانستحق وان شاء لله نكون فدتكم بحاجة جديدة