نحضر الخميرة : نخلط الفرينة و خميرة الخبز والماء الدافئ ونتركهم ليلة كاملة

في الغد نحضر العجينة نخلط الفرينة والفانيلا وخميرة الحلويات والملح ثم نضيف الزبدة او المارغرين ذائبة وباردة ونبسس مليح ثم نغربلهم

بعد ذلك نضيف خليط البيض والماء الزهر والخل ثم الخميرة التي تركناها ليلة كاملة ونخلطهم ثم نجمع العجين بالماء الدافئ بالتدريج حتى نتحصل على عجينة متماسكة وصلبة نوعا ما نشكلها كرات و نتركها ترتاح ساعة او اقل حسب الجو

بعد ذلك نبسط الكرات على طاولة مرشوشة بالمايزينة او النشا على شكل شريط ثم نطويه ثم نبسط العجينة ونستعين بالنشا في التوريق ثم نطويها

ونبسطها و نعملها في الماكينة في الرقم ما قبل الاخير ثم نعمل خطوط ونشكلها حسب الذوق

بعد ذلك نسخن الزيت ونقلي حبات القريوش ونتركه يبرد تماما ونعسله في العسل

ونضع عليه القليل من الجلجلان محمص وبالصحة والهنا