فقاص باللوز من أروع مايكون
الخطوات
- 1
نفقصو في قصرية البيض و نزيدو السكر و زيت و الفاني و نخلطو مزيان بيدينا
- 2
من بعد كنضيفو اللوز صاين و الزنجلان و النافع (اليانسون) و نخلطو عاود مزيان و نزيدو كاس ديال الماء عادي من الروبيني يمكن استبداله بالحليب أو ماء الزهر
- 3
آخيرا نبداو نضيفو الدقيق و خمارة حتى تجمع العجينة بلا مندلكوها و ضروووري العجينة تبقى رطبة الى قساحت كيطرطق لينا الفقاص من بعد مكنجمعو العجين كندهنو يدينا بزيت و نقطعوه الى 5 قطع أو على حسب الطاوة لي عندك و نشكلوه حريبلات
- 4
ندهنو الطاوة بالزيت و نستفو الحريبلات ديال الفقاص و يكونو مباعدين حيت هو كيتنفخ لي خافت منو يطرطق تشد قطيب ديال الشوا و دير تقيبات فدوك الحرابل
- 5
من بعد كندهنو الفقاص ب نسكافيه مع قطيرة ديال الماء و لي كايبغي اللون غامق يدير الكاكاو مع الماء و نشدو فرشيطة و نديرو خطوط إما مستقيمة و لا مائلة ولا متموجة على حسب الرغبة
- 6
آخر مرحلة ندخلو الفقاص للفران على نار مهييييلة فحال الشمعة نشعلو عي من تحت و نخلييييوه يطيب (يستوي) على خاااطرو كياخد ساعة تقريبا ملي نحسو بالفقاص طاب و شرب مزيان و بدا كيتحمر. نخرجوه مباشرة نغطيوه بمنديل فازك و معصر. مزيان و فوق المنديل نزيدو بلاستيكة و نخليييوه يبرد أكبر مدة ممكنة و من الأحسن يبات ليلة أولا يقيل نهااار كلو باش يبرد مزيان و ميتهرسش فالتقطاع و ميعدبناش
- 7
الأن مرحلة ديال التقطاع أولا خصنا موس يكون ماااضي باش كيساعدنا و نبداو نقطعو الفقاص ديالنا إما مائل ولا عادي و نستفو فالطاوة و نردوه للفران على نار مهييلة من فوق و لتحت ضروري تكون مهيلة باش كيجي مقرمش و عطيوه الخاطر البنات و لي بانت لينا تحمرات نقلبوها حتى يتحمر كوولو و بالصحة و الراحة كيجي مقرمش و لديد متشبعوش منو
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (3)