نحط الفرينة +خميرة امبعد نخلط بالمغرف+ نسكرفجو القارص (القشور نتاعو)و قد ما كثرتو تجي بنينة +ملعقة ص فانيلا +رشة تاع ملح +ملقة ك ماء زهر +2ملاعق ك زيت +2حبات تاع البيض +2 مغارف ك سكر امبعد نجيبوا الماء دافئ ونبداو نحطوا بشويا وندخلوا بيدينا وندخلوا كامل المواد في بعضها حتى تصبح عجينة شويا جارية ماشي بزااف امبعد نرشها بشويا فرينة ونولي نخدم

ونديروها كيما اي مثل راهي في الصورة امبعد نقسمها على زوج ونديروا بولات وزنها حولي(30gبصح اذا حبيتي عينك هي ميزانك) امبعد نديروا كما هو موضح في الصورة (على شكل دودة) ونديروا هكا دوايرة ونكملوا حتى تخلاص العجينة

و في الاخير نديروا مقلاة وفيها الزيت ونقصوا للفرن امبعد نحطوهم يقطروا حتى تكمليهم كامل ونص اديريلهم سكر ڨلاصي ونص العسيلة (ولا تحبي اديريهم كامل العسيلة ولا سكر ڨلاصي) ورانا كملنا الوصفة وحنيونات نتواعنا