بوريك الأفران بالجبنه

الخطوات
- 1
هنعمل الخميرة و نسيبها على جنب تشتغل و نحطها على جنب
- 2
هنحط كل مكونات العجينه على بعض و نضيف الماء الدافيه أو اللبن الرايب شويه بشويه هتاخد أقل حاجه كبايه إلا ربع ممكن تأخذ أزيد ربع كبايه على حسب نوع الدقيق هتلاقى العجينة بتلزق معاكي جداً متزوديهاش دقيق ابدا.أهم حاجه في العجينه دي العجن الكتير جداً و لو عندك عجان هيساعدك جداً و يوفر عليكي جهد انا عجنتها بأيدي لحد ما لزقت بسيط خالص و دا بعد ربع ساعة من العجن السريع المتواصل فيها.لو لقيتيها بعد ربع الساعه العجن دي برضو بتلزق جامد و كان السوايل كتير ضيفي رشه من الدقيق
- 3
بعد ما العجينه تبقي حلوه و ناعمه و فيها تلزيق بسيط هنغطيها و تسيبيها تختمر لمده ساعة في مكان دافي
- 4
بعد ما تخمر هنرش الرخامه بالدقيق و ننزل العجينة و نقسمها ل 4 كور و نسيبهم ف الطبق و نغطي عليه عشان مينشفوش نرش الرخامه دقيق و ناخد كل كوره نفردها بسمك رفيع بالنشابه و نقطعها ب كبارة أو قطاعات مدوره أو سلطانيه بعد ما تقطعي هتاخدي كل واحده و بعدين تحشيها جبنة أي نوع و أي حاجه انتي عايزاها المهم تحشيها من الوش اللي كان ع الرخامه بعدين تقفليها زي القطايف بالظبط و تتاكدي انك قفلتيها كويس بعدين تضغطي عليها بكف ايدك بسيط عشان تبططيها بعدين تحطيها ف صينيه مدهونه زيت حلو ع الجزء اللي مقفول دا و بعد ما
- 5
تخلصي كل الكمية هتجيبي طبق و فيه مكونات الوجه على بعض بعدين تزودي بقي ملعقة الماء ملعقة ملعقة لحد ما تلاقي القوام بقي سايل بس تقيل سنه.هتدهني بيه البوريك بس في الوقت دا هتكوني مشغله الفرن على 200 يسخن عقبال ما تخلصي الوجه.بعد ما تدهنيهم بقي هتحطي عليهم حبة البركة أو سمسم أو زعتر بس حبه البركه طعمها احسن
- 6
هيدخلو الفرن على الرف التاني من تحت لمده من ربع لتلت ساعة انا خد كدا معايا من أول 10 دقائق ابداي ركزي لأن فرن عن فرن يفرق اول ما تلاقي لونه حلو من تحت شغلي الشوايه ياخذ لون و بس كدا ❤❤دي صورته اول ما طلع.والتانيه صورته تاني يوم
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
-
-
-
بوريك الأفران باللانشون والجبنه الشيدر بوريك الأفران باللانشون والجبنه الشيدر
#المريول_العالمي إيناس الشناوى -
وصفات ننصحك بمشاهدتها
التعليقات