بجيب حلة مناسبة وأحط فيها ماء الى مستوي اقل من نصها حاجة بسيطة واسيبها على نار متوسطة الى أن تغلي

بعد الماء ما تغلي ابدأ انزل اللحمة واضيف ملعقة ملح صغيرة ونص ملعقة صغيرة ممسوحة فلفل وطمطماية واحدة مبشورة واسيبهم على النار لحد ما اللحمة تطيب اي تستوي

أمسك ثمرة القلقاس لو مش متقشرة جاهزة اقشرها وابدأ اقطعها مكعبات وبعدين اغسلها بشوية ملح علشان اتغلب على اللزوجة واشطفها كويس وبعد كدة أضيفها على اللحمة بعد ما اتأكد. أن اللحمة استوت واخد بالي من القلقاس انه بيطيب بسرعة

بعد القلقاس ما يطيب (يستوي) أطفئ النار وأبدأ في طاسة تانية اسخن معلقين زيت واكون مجهزة ربطتين الخضرة غسلاهم ومقطعاهم رفيع

بعد ما الخضرة تتدبل انزل عليها ب ٣ فصوص ثوم مفرومين و اقلب لحد ما الثوم يصفر

ابدأ اخد الخضرا والثوم وأحط عليهم مغرفتين شوربة واضربهم في الخلاط وانزل بيهم على القلقاس..

وبالف هنا وشفا على قلوبكم