نخلط المكونات الجافه جيداً وهي الدقيق والسكر والملح واللبن البودرة والبيكنج بودر والخميره ثم نضيف الزبادي والماء او اللبن (دافي) ونبدا في العجن حتى نحصل على عجيبه طريه وبعد كدا احط الاربع ملاعق زيت واكمل عجن واهم حاجه ان العجينه تكون طريه معايا دي تكه مهمه

هسيب العجينه تختمر حوالي ساعة وبعد كدا هرش رشه دقيق على الرخامه وهفرد العجينه وسمك العجينه يكون متوسط يعني ولا رقيقه ولا تخينه وهقطعها بقطاعه او كوب وهجهز الصينيه ممكن احط ورق زبده او ادهنا دهنه خفيفه بالزيت

وهكون مجهزه الصلصة هاخد اربع ملاعق كبار وهزودها بالماء لحد ما توصل لقوام مناسب وهصلحها التوابل انا بستخدم الصلصة الجاهزه لما بكون مستعجله بس البيتي بيكون طعمها احسن كتير وهعملها معاكم مره باذن الله

هدهن وجه البيتزا بالصلصه وهدخلها الفرن واهم حاجه ان الفرن يكون سخن ومتسخن من فتره قبلها هسبها خمس دقائق وبعد كدا هطلعها وهحطتلها الجبن والزيتون والفلفل والطماطم ورشه حبه البركه وادخلها الفرن تاني لحد ما تأخذ اللون الذهبي والجبن تسيح والف هنا❤❤