محجوبة ميميشة الخاصة 😂

نخلط الفارينة مع الملح و الماء حتى نتحصل على عجينة طرية و متلسقش و نخليها ترتاح

الحشو يكون واجد من قبل انا درت شكشوكة و فضالتلي منها قلت نجرب بيها هد الوصفة. نزيدلها الدجاج لي يكون طايب من قبل و نخلطهم مع بعض

نسخن مقلاة على نار هادية.منستعملش الزيت و لازم المقلة تكون مليحة متلسقش. نعمل كويرات بالعجين و نحط الحشوة داخل كل عجينة و نطبقها حتى نحصل على مستطيل او مربع ملازمش تجي خشينة بزاف باه طيب بالخف و ندهن يدي و السطح لي نخدم فيه بالزيت باه ميلسقش

نحطها تتحمر من جهة و نقلبها للجهة الثانية حتى طيب و بصحتكم محجوبة اسهل مايكون