نغسلو الحوت ونقيوه ونشرملوه بالقزبور و المعدنوس (بقدونس) والتوابل وعصير الحامض وزيت الزيتون مزيان ثم نصبو فيه طماطم المصبرة ندوزو فيه الخضرة ونحطوها على جنب ثم نخلطو مع الشرمولة لبقات الفيرميسيل والزيتون ونصف لب حامضة مصيرة ونعمرو به الحوت ونقبطوه بلكيرضون باش متخرجش لينا الحشوة (هو من المفروض الحوتة تقطع وتعمر من الضهر ولكن ملي الحوت صغير عمرتو من البطن ديالو)

ثم نستفو الخضرة والحوت والزيتون وقطع الحامض المصير ونصبو الماء ونغطيوها بورق الطبخ والالومنيوم وندخلوها الفرن وبالصحة والراحة