في إناء نخلط السوائل جيداً مع بعض ثم نلم لعجينة بالفرينة نعجنها شوية حتى نتحصل على عجينة ملساء طرية ومتلسقش فاليدين نقسمها على 12 كورة نرمدهم فالمايزينة ونحلهم قرصات صغار نغطيهم و نخليهم يرتاحو مدة ربع ساعة

بعد مارتاحت لعجينة نحللها بوسطة حلال ولازم تكون رقيقة جداً وكثرو المايزينة او النشاء باه تتورق جيداً نجيب صينية الفرن انا استعملت مول صغير درت غير فالبايركس نتم اذا تحبو حجم اكبر ديرو،نحل 6 كرات مندير والو بيناتهم نحل بالوحد ونحطها في الصينية حتى نكمل 6 كرات ندير الحشو لي هو اي نوع من المكسرات تحبوه مديرلو والو كذلك نزيد نحل 6 كرات لي باقين بنفس الطريقة نحل بالوحدة ونحط في الصينية حتى نكمل الكمية تاعي كامل

نحضرو الشاربات في كسرونة نفرغ الماء والسكر وشريحة ليمون نحطهم فوق النار يغليو على نار متوسطة كي يبدا يذوب السكر نحركو ونخليها تغلي حتى نتحصلو على قوام موش ثقيل بزاااف وموش خفيف بزااااف في الوسط برك نذوب المارغرين حوالي 200غ ونفرغها فوق البقلاوة وندخلها للفرن حتى طيب وتاخذ اللون الذهبي نخرجوها ونشربوها بالشاربات لي كنت طيبتها نخليوها تبرد تماما باه نقدموها بالصحة والهنا 💋💋💋