اول حاجه حنقطع صدور الفراخ و نبشر عليها البصل و نحط الزبادي(ممكن نستغنى عنه) و رشه فلفل و ملح و نسبهم في الثلاجه لتانى يوم عشان الصدور تشرب من التتبيلة كويس أو ممكن نستخدمها في نفس اليوم عادي بس نسبها نص ساعة مع التتبيلة

حنجيب حلة و نحط لحد نصها ماء و نحطها على النار و نحط شوية زيت صغيرين و رشه ملح و لما تسخن ننزل بالمعكرونه و نسبها تتسلق

البشاميل : ٢ ملعقة كبيرة سمن او زيت و نحط ٣ ملاعق دقيق و نقلب لحد ما يبقى لونه ذهبي فاتح و بعدين ننزل باللبن و الشوربة وحدة وحدة و نقلب لحد ما نوصل للقوام المطلوب و ننزلها من على النار و نسبها تبرد

حنجيب طاسه و نحط فيه ملعقة سمن او زيت و نسيبه يسخن و ننزل بصدور الفراخ و التتبيلة اللي عليه و نقلب و نسيبه لحد ما ينزل الماء اللي فيه و يشربها ثاني و نحط الكركم و الثوم و البصل البودرة و نقلب و نحط الفلفل الاخضر فى الاخر و نشلها من على النار

نجيب البشاميل بعد ما برد و نحط البيضة و ملح و فلفل حسب الرغبه و نقلب.نحط شوية جبنة موتزاريلا.و بعدين نحط شوية من البشاميل على المعكرونه و نقلبها كويس

نرص الصينية... ندهن الصينية زيت و بعدين نحط شوية بشاميل و بعدين نص المعكرونه و نحط الفراخ و بعدين بقيه المعكرونه و نحط بقيه البشاميل

حنشغل الفرن على درجه ٢٠٠ و نسخنه شويه قبل ما ندخل الصينيه و حنط الصينية لحد ما تتحمر من تحت و نطلعها نحط الجبن عليها و نشغل الشوايه لحد ما الوجه يتحمر و ب الف هنا...