الاول جبت كوبايه سكر حطتها ف طاسه عالنار لحد ماساحت وصبتها ف الصنيه بتاعتي بعدها جبت الخلاط حطيت تلات بيضات وفانيلا وكوب سكر وكوبايتين لبن وربع كوبايه لبن بودره وال معندوش لبن بودره يحط مكانه بيضه وضربتهم وصبتهم عالكراميل بعدها عملت الكيكه بيضتين ضربتهم ب كوب الا ربع سكر وفانيلا وحطيت نص كوب زيت ونص كوب لبن وجبت كوب وربع دقيق قلبته

ف كيس بكنج بودر واربع معالق كاكاو خام وحطيتهم عالخليط السايل وقلبتهم وصبتهم فالصنيه حطيت الصنيه ف صنيه اكبر منها فيها مايه سخنه ودخلتها الفرن لمده ٥٠دقيقه علي حراره ١٨٠ سبتها تبرد شويه

وبعدين دخلتها التلاجه مفروض تقعد اربع ساعات انا سبتها من بالليل وقلبتها دلوقت يابنات عشان تتقلب معاكو بسهوله حطوها ف حمام مايه سخنه دقيقه واقلبوها ال معندوش صنيه مفتوحه يعملها ف صنيه مدوره مقاس ٢٤