أول خطوه نجيب بوله نحط فيها السكر والذبده ونضربهم بالمضرب الكهربائي لحد ما لونها يبيض

وبعد كده نحط البيض والفانليا ونضربهم لحد ما يختفي البيض تماما وبعد كده ننزل بالدقيق طبعا يكون منخول وعليه رشه الملح ونخلطهم بملعقه خشبيه مع بعض ونقسم العجينه نصفين نص نحط عليها ملعقتين كاكاو خام يكون نوع كويس وملعقه صغيره ذبده ونخلطهم مع بعض

نسيبها تستريح في الثلاجه ١٠ دقائق وبعد كده شكلي بقي براحتك ممكن بالقمع أو ماكينه البيتفور

دخليه الفرن على حرارة ١٧٠ لمده ٢٠ دقيقه وخلي بالك مش بيأخد وقت

لما يخرج من الفرن ويبرد خالص زينه بقي زي ما انتي عايزه ممكن بشوكلاته سايحه او فارمسيه