اولا في مقلاة نضع زيت يتقلى مع سكالوب دجاج مقطع رقيق و نضيفلهم بصل و ثوم و ورقة رند و التوابل ثم بعد مدة نضيف الطماطم المقطع مع الفلفل و عندما يستوي نضيف زيتون اخضر شرائح و دبشة مقطعة و هريسة ثم ننزعو ونخليه يبرد.

ثم نقطع بصلة كبيرة على شكل شرائح و نقليها مع ملح والقليل من الزيت حتى تذبال مليح و تاخذ اللون الذهبي الجميل.

في العجينة نضع الحليب و الزيت نخلطهم بالفوي ثم نضيف الملح و الخميرة الكيميائية ثم في الاخير نلم بالفرينة حتى نتحصل على عجينة طرية جدا ولكن لاتلتصق في اليدين (هادي العجينة تلم فقط لاتعجن ابدا)نغطيها بكيس ونخليها ترتاح 10د فقط لا أكثر.

للصلصة على النار نحط زبدة تذوب في كاسرول و نحط فوقها ملعقة فرينة و نخلط جيدا ثم نضيف الحليب مع تحريك مستمر و كي تثقال نضيف فلفل اسود وكمية قليلة من جبن مثلثات و جبن شيدار مبشور نخلط حتى يذوبو ننزعها ونضيف حبة بيض و نخلط جيدا و نزيد قليل فقط من قسبر مقطع رقيق

نقسمها على اثنان كرات نفتح بالحلال كل وحدة دائرة رقيق قليلا و نستعمل تحتها ورق طبخ كي تحبو تسووها قصو بالسكين حتى تتشكل دائرة نقص الحواف بالسكين او الجرارة(تقدرو تحطو صحن دائرة و تقصو الاطراف حتى تجيكم متساوية) ونحط الحشو وفوقه نوزع البصل المذبل نلوي الشرائط ونعكس كل اثنان مع بعض حتى يولو مثل المقص ونكمل معاهم زوج زوج حتى نكملهم ونضغط عليهم بالاصابع نزيد صلصة البيشاميل فوقها وندهن الأطراف بصفار البيض مع القليل من القهوة طايبة.

ندخلها تستوي في فرن ساخن جدا ومشعول على نار عالية تحمار من تحت ثم من فوق و نخرجها نديرلها كمية مليحة من جبن شيدار مبشور و زيتو ن اسود و نرجعها لفرن كنت طفيتو غير يذوب الجبن حوالي 2 د ونخرجها ونزينها بالمعدنوس او القسبر

وتقدم بالصحة و الهناء و انا استعملت هادي نوعية جيدة من الجبن لي يذوب مليح.