كسكسيي باللحمة والخضار رائع جدا

تسوية الكسكسيي علي البخار سواء في حلة البخار او حلة عادية. بنحط 6 كوب ماء وفوقها مصفي تكون عيونها صغيرة نحط فيها الكسكسيي و نغطيها كويس.. و نفتح و نقلب كل شوية وبعد خمس دقايق نفتح ونرش فوقه رشة ميه اد معلقتين كدة تقريبا بياخد ربع ساعة لو في حلة البخار ونص ساعه لو حلة عادية. بتلاقي الحبة بقت طرية ونافشة شوية.. المهم ما يعجنش ويبقي fluffy كدة.

بعد ما يستوي يبقي زي الصورة كدة نحط عليه وهو سخن قطعة زبدة ومعلقة مرقة لحمة بودر كبيرة ونقلبهم ونطفي عليه

الخضار بعد ما نغسله ونقطعه مكغبات كبيرة نقلبه في ملح وفلفل وقطعة من الزبدة و نشوحه علي النار 5 دقايق وعدين نزود شوية مية صغيرين لان مش عايزاه يستوي اوي و يبقي مهري لا عايزاه يفضل فريش

بعد كدة بغرف في طبق التقديم كسكسي (لو بسخنه و هو في المصفي و تحتيه حلة فيها مية) بعد كدة اغرفه واسقيه شوية من صوص اللحمة و فوقيه الخضار ثم اللحمة.. و بالف هنا بجد اكلة تجنن