الخطوات
- 1
نحط في حله على النار كوب الماء والزيت ومعلقتين السكر ونسيبهم لغايه مايغلي وننزل عليهم بالدقيق والنشا وذره الملح ونهدي النار ونبدا نلم العجينه لغايه ماتلم معانا على النار لمده 3 دقائق ونطفي
- 2
ننقل العجينه في بوله ونبردها كويس علشان البيض مايستويش من السخونيه لو مستعجله ممكن تفضلي تقلبي فيها وهي في البوله كتير وتخرجي السخونيه منها وممكن تفردي العجينه في صينيه وتسبيها تبرد
- 3
بعد ماتبرد العجينه هننزل ب 2 بيضه في الاول وعليهم رشه فانيليا ومعلقه خل ونقلب بقي كويس 💪 محتاجه تستقوي معاها حبتين لو مفييش عجان ولو العجينه معملتش معاكي مطه كده شبه المنقار تبقي محتاجه بيض نزود بيضه كمان وعليه بردو رشه فانيليا ونقطه خل واوعدك اصلا مش هتحسي بطعم الخل خالص هو بس هيضيع طعم البيض اللي بنحسه في البلح ومش بيعجبنا😉
- 4
الشربات التقيل / بحط السكر وعليه الماء والفانيليا وعصير الليمونه والقرونفيل اختياري وافتح النار واقلبه تقليبه في الاول وبعد كده مااقلبهوش خالص علشان مايسكرش واسيبه بالكتير 15 دقيقه واطفي عليه
- 5
نحضر زيت غزير للتحمير ويكون بارد او دافي حاجه بسيطه ونحط عجينه البلح في الكيس الخاص ونقطع البلح في الزيت ونحمره ومع كل قليه جديده لازم نبرد الزيت واللي يطلع يتصفي من الزيت كويس وينزل في الشربات التقيل يتقلب تقليبه فيه ويتصفي وبالهنا ❤
- 6
ملحوظه 1/ ممكن تقطعي البلح على ورقه زبده كبيره وتخلصي الكميه اللي عايزه تحمريها وتقصي الورق بحيث تبقي كل بلحه تحتها ورقه زبده على قدها كده وتنزلي بالورقه عادي في الزيت ماتقلقيش اول ماهتتبل من الزيت هتلاقيها فكت من البلحه وتشلي الورقه على طول بس لاااازم تقصي ورقه الزبده وتبقي كل بلحه لوحدها
- 7
ملحوظه 2/ لو هتقطعي البلح في زيت دافي الافضل تدفيه وتطفي النار علشان تاخدي وقتك في قص البلح في الزيت وبعد كده تفتحي النار عليه
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات