اول شي بحفر الكوسا والبتنجان وبعدين بنقع الرز

بحط البصل واللحمة على الغاز مع شوية زيت وبقلبهم بس يدبل البصل وبضيف شوية من البهارات والفلفل الاسود بس تستوي اللحمه بضيفهم على الرز

الرز لازم يكون منقوع ومغسول وبضيف الهم الكركم والملح وبلش احشي الكوسا والبتنجان للنص بس عشان ما تنفزر الحبة وبسكرها بقمع الكوسا او بالبطاطا

بس اخلص بحطهم ع الغاز وبضيف الهم مي وصلصة البندورة ورشة ملح لحتى يستوو وصحة وهنا.