اولا نطحنو الدجاج مع القصبر والمعدنوس بعد ما نطحنوه نسكرفجو البصل ونصفوه من الماء منرموهش والفلفل ايضا نصفوه و ما نرموهش و الثوم نسكرفجوه ايضا ملعقة خل وملعقتين زيت نتبلوه بملعقة ملح على حسب الحاجة وفلفل اسود و احمر زنجبيل نخلطوه بواسطة اليد مليح ونخلوه فالثلاجة مدة ساعة

من بعد نحضرو الصلصة عندنا حبتين طماطم نسكرفجوهم وملعقة طماطم مصبرة ملعقة خل عصرة ليمون ونضيفولو ملعقة صغيرة ملح وفلفل اسود ونزيدولو ماء البصل والفلفل الي احتافظنا بهم سابقا نحركوها شوية ونخلوها فالثلاجة

بعد مرور ساعة نجيبو اعواد خشبية ونبداو نعمرو باحكام ونخلو بصمة اليد في الدجاج ونطيبوهم في مقلاة دون زيت سوى مسحة خفيفة باش مايلسقش بعد مايطيبو مباشرة نفرغو عليهم الصلصة ونقدموهم شهية طيبة