اول حاجه هنحط الكنافه تشد شويه في الفريزر علشان نعرف نقطعها ولازم تكون بايته

هنعمل السيرب بتاعنا هيبقي عباره عن السكر يدوب مع الماء ويغلو علي النار لحد اما يتقل الخليط وهضيف في الاخر عصره ليمونه والفانيليا

هنقطع المانجا مكعبات

هنطلع الكنافه من الفريزر وهندوب السمنه وهنبدأ نقطع الكنافه ونحط عليها السمنه والسكر وهنبدأ نقطع الكنافه كويس ويتخلطو كويس مع بعض وتفرد في الصينيه ولازم ندوس عليها كويس وتتفرد كويس في الصينيه

ندخل الكنافه الفرن وتستوي وبعد كده هنحط السيرب علي الكنافه ونسيبها شويه تبرد وفي الوقت ده نضرب الكريم شانتيه

بعد اما تبرد الكنافه هتتقطع وبعد كده هضيف الكريم شانتيه وهفرده فوق الكنافه ومن فوقيهم قطع المانجا وبألف هنا