الستات القمرات الى مبيحبوش وقفة المطبخ في الحر ده اعملو الاكلة دي، كيلو لحمة بتلو وقطعيها صغيرة واغسليها اكيد وبصل مبشور وحبهان بودر و شعرة فلفل اسود وتوابل بتاعتك ممكن شطة او توابل لحمة براحتك وتنزلي بالليلة دي على معلقتين سمنة وتقلبي حبة كدة لحد ما تتغير لونها وتأخذ وتدي مع الاشياء كلها بعد

كدة تضيفي طماطم مبشورة ومعلقتين صلصة انا مكانش عندي غير واحدة طماطم عشان كدة طلعت باهته المهم تتقلب تقليبتين وتضيفي الماء لما تغلي... تغطي وتخففي لحد اللحمة ما تستوي وبعدين تحطي كمية المعكرونه الى عاوزاها وتقدري بعينك كدة حسب كمية الماء وتغلي وتشكشك وتشرب ميتها وتخففي وبسسسسس تحفة' وحلة واحدة 'والولاد هياكلوا اللحمة عشان صغنونة وكله هيبقى قشطة وتمام يقولون لها المبكبكة اكلة ليبية لكن المبكبكة الليبية الاصلية بتتعمل بلحمة ضاني وبتبقي فيها صلصة