نص مج رز مصري 🇪🇬 تغسلي وترفعيه ع النار 🔥 مع كوبايتين مية ولما يستوي ويبقى طري 😌 حطي الحليب 🤩
أد لتر ونص كدة. الرز مستوي مش هياخد وقت غلوة وتحطي السكر حسب ما تحبي طعمه وارمي عليه علبة قشطة 🥰
هتفرق في طعمه وهتخليه ابن ناس

قلبي تلات لفات كمان وتكوني مجهزة تلات معالق كبار نشا متدوبين في نص كوباية حليب وايد تنزل النشا والتانية تقلب

لحد ما القوام يتقل بسسس كدة تمام اوي اطفي واغرفي في اطباق صغيرة. ناس كتير بتحط عليه اثناء طبخه مية ورد بردو بتكون لطيفة. زوقيه بجوز هند واي مكسرات عندك انا شخصيا بحب طعمه وعليه رشة قرفة😃 وبالف هنا يا عسل😁