نسخن الفرن على حرارة 160
بنستخدم قوالب الكيك الكرتون المشهورة لكيك البريجاديرو او الديسباسيتو بالاحجام اللي نحبها لكن لو مش عندنا ممكن جداً نبطن اي صينيه مقاس 24 بالزيت ورشة كاكاو ونستخدمها
هننخل الدقيق والأفضل استخدم دقيق الكيك عشان يدينى نتيجة أفضل
ننخل الكاكاو عشان مايكنش فيه اي تكتلات
نخلط كل المواد الجافة مع بعض الدقبق,الكاكاو,السكر,رشة الملح,البيكنج بودر,البيكنج صودا و القهوة سريعة الذوبان

في بولة تانية نخلط المواد السائلة بالمضرب الكهربائي ماعدا الماء الساخن عشان البيض هيستوى منه,فهنخلط البيض والزيت واللبن ونخفق
نضيف نص خليط الدقيق والكاكاو ونخفق ومانزودش في الخلط عشان الكيك ماينشفش
نضيف الماء الساخن ونخفق
نضيف باقي المواد الجافة ونخفق
كدا الخليط جاهز,نصبه في القوالب او الصينيه وطبعا الوقت في الفرن هيعتمد على حجم القالب اللي استخدمته بالنسبالى الكمية دى عملت 2 قالب تقريبا مقاس 10 سم في 20 سم واخذت في الفرن 25 دقيقة