نضرب البيض مع اللبن والسكر كويس جداً

ننزل بالزيت خيط رفيع على الخليط وبعدها الفانيليا

ننخل الدقيق مع البيكنج بودر والملح وننزل بمعلقه ملعقة على الخليط و نستخدم مضرب بالايد بلاش الكهربائي

حناخد الحليط بكبشه و في طاسه ندهن زيت و نخلي النار هاديه و نحط كبشه في الطاسه و نقفلها بالالومنيوم و فوقها غطا

حنقلبها على الوجه التاني بعد منلاقي في دوائر هوا و احمرت من تحت لحد منخلص الخليط كله

صوص الكراميل: حنكرمل السكر و اول مالسكر كله يذوب و ننزل بالزبده و بعدها اللبن ملعقة في الاول و ننزل باقي اللبن بعدها

حندوب النشا في معلقتين لبن و ننزل بيهم على الكراميل و نقلبه لحد منوصل لقوام صوص البشاميل 😁

الكريم شانتيه: حننزل بالكريم شانتيه و بعدها ريع كوب ماء ونضرب كويس و بعدها سكر

حندخله الثلاجه و نطلعه تاني نزود عليه باقي الماء لحد منوصل للقوام التقيل و ندخله تاني الثلاجه

حنحط بقي على نص الكريم شانتيه صوص الكراميل ونقلبه كويس

حنبدء نحط الطبقات ونشربها ب اللبن بالعسل لكل طبقه و بعدها نحط كريم شانتيه الساده

لما نخلص نشيل الزوايد من الجناب علشان كل الطبقات تكون مقاس واحد

ندهن الطبقات من برا ب الكريم شانتيه اللي بالكراميل و نحط على الوجه باقي الكراميل و نحط فاكهه لو حابين او مكسرات