شيش برك
الخطوات
- 1
بنخلط الطحين الأبيض مع طحين القمح ورشة الملح وبنضيف ماء للعجن وازا حبينا نضيف ملعقة زيت زيتون طبعا إضافة الماء حسب حاجة العجين وبندهن وجه العجين بالزيت وبنتركها ترتاح نص ساعة
- 2
بنحط بمقلاة شوية زيت زيتون والبصلة المقطعة وبنشوحها لحد ما يصير لونها ذهبي بنضيف اللحمة والملح والفلفل الأسود والهيل وبنقلب لحد ما تستوي اللحمة وبنتركها تبرد
- 3
بنخفق اللبن الزبادي مع كاستين الماء ومعلقة النشا ورشة الكركم وبودرة ماجي
- 4
بنرش سطح طاولة بالطحين وبنفرد العجينة وبنقطع دوائر بفنجان أو قطاعة البسكوت وبنحط حشوة اللحمة والبصل بنص كل دائرة وبنسكر الأطراف متل حبة السمبوسك وبعدين بنسكر الطرفين على بعض لحتى تصير متل الطاقية وبندهن صينية بالزيت وبنحط الحبات عليها وبنحطها بالفرن تحت الشواية لحتى تنشف الحبات مو تتحمر
- 5
وبنحط اللبن اللي خفقناه بطنجرة وعلى النار لحد ما يغلي بنضيف حبات الششبراك وبنحرك وبنتركه لنص ساعة مع التقليب كل خمس او عشر دقايق
- 6
وبنسكب بطبق التقديم ويزيين بتقلاية الثوم مع النعنع الأخضر أو الكزبرة وبالصنوبر أو أرباع اللوز المقلي وصحتين وعافيه
وصفات مشابهة
وصفات ننصحك بمشاهدتها
التعليقات (19)