كان وضع في طنجرة اللحم القديد والبصلة مفرومة والتوابل كنخليوها فوق النار تشحر

من بعد كنزيد الماء في الطنجرة كنخليو الماء حتى يغلى و كانديروا الجزر واللفت والباذنجان

كنديرو السميدة القصعة وكاندهنوها بالزيت وكانديروها في الكسكاس

ملي كاتفور السميدة التفويرة الأولى كانرشوها بالماء مزيان ويلا كانت عندنا فيها ذوك الحبيبات انا كاندوزها في الغربال ديال السلك الرقيق

من بعد كندرو السميدة في الكسكاس وكانزيد الكرعة الخضراء الكرعة الحمراء والفلفلة والربطة الكزبرة ومطيشة محكوكة

ملي كاتفور السميدة التفويرة الثانية كانخويها في القصعة وكاندير لها قليل من الملح وكانرشها عوتاني بالماء وكانحل فيها مزيان ما يبقاوش فيها ذوك الكويرات وكانعاود نردها تفور تفورة الثالثة ملي كاتفور تفويره الثالثه كانقدم الكسكس ديالنا بالصحة