تغسلي القراميط جيد بالملح والخل واليمون و تحطيها ف مصفي للتخلص من المياه

تتبيله السمك ثوم وفلفل احمر وفلفل اخضر وتوابل سمك وخل وليمون وكمون وكسبره تفروميهم تتبليه بيهم السمك القراميط جيد وتسيبيهم ساعه ف التتبيله

بعد كدا تبدري القراميط ف الدقيق جيد وتقليه ف الطاسه فيها زيت اهم حاجه يكون سخن

هنضرب الطماطم ف الخلاط وتيجي حله تحطي فيها ثوم او معلقه من خلطه السمك اللي احنا تبلناها هتخلي طعمها احلي طبعا وتحطي عليها عصير الطماطم وتتسبك كويس

بعد ما الطماطم تتسبك هاتي الطاجن او الصينية تحطي الروس بتاعت القراميط دا لو بتحبي الروس وتحطي نص عدد القراميط اللي عندك وتحطي عليهم التسبيكه اللي عملناها وتحطيها ف الفرن علي درجه حراره متوسطه تاخد وش كدا حلو

ونص القراميط الباقي اللي مقلي تضفيه ف طبق وتحطي عليه شرايح ليمون وبقدونس ويتقدم وبألف هنا على قلوبكو ياحلوين 🌹🌹🌺