نفتفت الكنافة وهي لسة مجمدة

ندهن الصينية سمنة ونحط نص الكنافة ونضغط جامد

وبعدين نعمل المهلبية.نحط اللبن على النار ونذوب معلقتين النشا في نص كباية ماء ونضيفهم على اللبن ونقلب عشان متكتلش وفي ناس بتحط سكر في الخطوة دي وناس لا كدة كدة الشربات بيبقي مسكر وبيخليها كلها حلوة

نحط المهلبية في الصينية على الكنافة وبعدين نحط النص التاني من الكنافة ونسيح كباية السمنة ونحطها على وجه الكنافة وتكون مغطيه وجهها كله وتدخل الفرن لغاية ماتحمر ونخرجها يبقى الشربات بارد ونحطه عليها..

الشربات بنحط كوبين السكر وكوبايه ونص ماء على النار ومنقلبش نيبهم لغاية مايغلي وبعدين نحط عصير نص ليمونه ولما يتقل ونقفل عليه نحط باكو الفانيليا