البدايه من تحمير البصل. يوضع البصل في مياة وملح وخل لمدة نصف ساعه ويصفى ويوضع عليه دقيق ابيض حوالي معلقتين. ثم يتم تحميره في الزيت.

لا ترمي الزيت ابدا. هنستخدمه كتير. ناخد شوية زيت منه ونحمر الشعريه وننزل بالرز ونحط المياة فوق الرز بعقلة صباع. حتى يستوي.

نسلق العدس في شوية مياه لغاية ما يستوي.وبعدها نحمر شوية توم في شوية من نفس الزيت ومحط العدس المستوي عليها وشويه ملح وكمون في الخفيف. لغاية ما يستوي.

السر كله في طعم الزيت أنه واخد ريحة البصل.

نسلق المكرونه في المياه ونحط من نفس الزيت عليها لغاية ما تستوي ونصفي المياة ترجع تحط شوية زيت البصل عليها.

الحمص لازم يكون منقوع قبلها بيوم من باليل ويتسلق في مياه ومعاه ملح وكمون. ومترميش المياه بتاعته. هنستخدمها في الدقه.

نيجي الصلصه. حط الطماطم بحالها في شوية مياه لغاية ماتبقى صلصه وبعدين تضرب في الخلاط ونصفيها من البزر كويس جدا. شوية ثوم مهروس في الزيت ونحط الطماطم عليه. وعليها ملح وفلفل وكمون وخل ورشة كزبره خفيفه. وكان استوت وخلصت

شوية من الشطة الحمراء تتحمر في نفس الزيت كويس وتحط عليها شويه من الصلصة المستويه. هتطلع شطه قاسيه جدا.

شوية توم في الزيت ويحمر وعليهم كزبره وتحمر وعليهم نصف كوب خل ونصف كوب ماء الحمص ولمون.وتبقى احلى دقه في الدنيا.

بالهنا والشفا. هو دا الكشري