هنبدأ بحشوه الكاستر هنسخن اللبن بس مش نخليه يغلي

وفي طبق نحط الفانيليا والنشا وصفار البيض والسكر ونضربهم

بعدين ننزل اللبن عليهم واحده واحده مع تقليب بسرعه

بعدين نحط الخليط علي النار ونقلبه لحد ما يبقي كريمي والكتل تختفي

وبعدين نفضيه ونغطيه بكيس بلاستيك ونسيبه يبرد

دلوقت هنعمل الاكلير اول حاجه نحط الزبده مع الماء لحد ماتغلي

بعدين ننخل الدقيق ونحط رشه الملح وبعدين ننزل بيها علي الماء والزبده مره واحده ونقلب بسرعه لحد ما الدقيق يختفي وميبقاش فيه كتل والعجينه تمسك نفسها

هنشيلها من علي النار ونسيبها تبرد 5 د

نحط علي الخليط بعد مايبرد بيضه واحده والفانيليا ونقلبها لحد ما تختفي وبعدين البيضه التانيه لحد ما تختفي وبعدين التالته

نسخن الفرن ع درجه حراره 200 او 4

نجهز الصينيه ونفرد ورق زبده وبعدين نبدأ نشكل العجينه علي سكل الفينو بس علي صغير

وبعدين ندخل الصينيه الفرن لمده نصف ساعه لحد ما يستوي ويبقي لونه دهبي نقفل الفرن ونسيبه في الفرن 5 د وبعدين نطلعه

نفتح صوابع الاكلير بسكينه وبعدين نحشيها بالكاستر

ونجهز صوص الشوكولاته ونخلط الكريمه مع العسل والفانيليا ونحطها علي النار لحد ما تسخن

وبعدين نشيلها من علي النار ونحط عليها الشوكلت شيبس او اي نوع شوكولاته او كاكاو لحد ما يتمزجوا مع بعض

بعدين نزين الاكلير من فوق بالصوص ونرش عليه بقا جوز الهند او اي نوع مكسرات بأي حاجه حابينها او تسيحوا شوكولاته بيضه وتعملوا بيها خطوط بيضاء علي الصوص الشوكولاته بعد ما ينشف