بقلاوة
بقلاوة
الخطوات
- 1
بسم الله و الصلاة و السلام على رسول الله
- 2
نجيب الفرينة و نخلطها مع الزبدة نفركها بين يديا مليح ومنبعد نضيف البيضة و السكر و الخل و نستمر في الفرك ومنبعد نطمها بالماء و الماء زهر، نعجنها مليح ونخليها ترتاح انا نخليها حتى 6 ساعات ولي مزروب يخليها حتى ساعتين
- 3
نحضر الحشو نجيبو الكاوكاو محمر و مرحي شوي خشين و نزيدلو مغرف السكر وعطر اللوز المر على جال النكهة ونبدا نفتل فيه بالماء الزهر حتى نتحصل على حشو متماسك ماشي جاري
- 4
نجيب العجينة تاعي نقسمها على 13 كرة و نجيب النشا نلوح فيه قرصة خميرة كيميائية من اجل التوريق و بعدها نجيب سبعة كريات بين كل كرة و كرة نحطو كمية من المايزينة و نطرحهم كامل مع بعض بالحلال بسمك رقيق و نحطها في السنيوة لي كنت دهنتها بالزبدة ونثقب العجينة بالكيردو من تحت و نحط الحشو ونسويه مليح على مستوى متساوي و نجيب الكريات السبع الباقية ونخدمهم بنفس الطريقة السابقة
- 5
وبعدها نجيب موس ونبدا نقطع في البقلاوة تاعي
- 6
ومنبعد نذوب الزبدة و ندهنها جيدا ونغطيلها بلاستيك غذائي و نخليها ترتاح (انا اذا خدمتها الصباح نطيبها لعشية و اذا خدمتها لعشية نطيبها غد من ذاك) بعد ما تطيب نخرجها من الفرن مباشرة نعسلها بعسل المرجان يكون بارد و نخليها تتشرب في عقلها
- 7
ان شاء الله نكون قدرت نوصللكم الفكرة
- 8
دمتم في رعاية الله و حفظه
وصفات مشابهة
وصفات ننصحك بمشاهدتها
التعليقات (8)